Author: गायत्री देवरुखकर

Marathi Natak Free Tickets Giveaway पहिल्या Giveaway ला मिळालेल्या यशानंतर आम्ही पुन्हा एकदा घेऊन आलो आहोत GIVEAWAY!!! आम्ही एका नाटकाची दोन तिकिटे जिंकण्याची तुम्हाला संधी देणार आहोत. या Giveaway साठी निवडलेले नाटक आहे संतोष पवार लिखित-दिग्दर्शित दोन अंकी नाटक ‘हीच तर फॅमिलीची गंमत आहे!’. या नाटकासंबंधी संक्षिप्त व्हिडिओ तुम्ही बघितला नसेल तर नक्की बघा! हीच तर फॅमिलीची गंमत आहे [Review] https://www.youtube.com/watch?v=UEMH-Lrfmmg Giveaway मध्ये सहभागी होण्यासाठी पुढील लिंकचा वापर करा. ह्या Giveaway मध्ये सहभागी कसे व्हाल? वरील लिंकवर नमूद केलेल्या पर्यायांपैकी तुम्हाला जे नाट्यगृह आणि वेळ सोयीचे वाटेल त्या पर्यायावरील बटनवर क्लिक करून तुम्ही स्पर्धेत प्रवेश घेऊ शकता. पुढील स्क्रीनवर तुमचा ई-मेल,…

अखिल भारतीय मराठी नाट्य परिषद, बोरिवली शाखेतर्फे आयोजित करण्यात आलेल्या राज्यस्तरीय खुल्या मराठी एकांकिका स्पर्धेची अंतिम फेरी २२ एप्रिल रोजी प्रबोधनकार ठाकरे नाट्यगृह, बोरिवली येथे पार पडणार आहे. अंतिम फेरीत दाखल झालेल्या संस्था आणि एकांकिका पुढीलप्रमाणे आहेत. म्हॅsss (सृजन द क्रिएशन) ‘म्हॅsss’ ही अनेक वर्षांपूर्वी साधारण ४०, ४५ वर्षांपूर्वी कै. रमेश पवार ह्यांनी लिहिलेली एकांकिका. एकेकाळी अशोक सराफ यांनीही ही एकांकिका सादर केली आहे. म्हॅsss ह्या एकांकिकेत अभिनयाचे सर्व प्रकार समाविष्ट झालेले आहेत आणि नटांसाठी एक प्रचंड मोठा व्यायाम असलेली ही एकांकिका आहे. तर ह्या वेळेला ‘सृजन द क्रिएशन’तर्फे ही एकांकिका पहिल्यांदा २ मुली वनमाला वेंदे आणि ऐश्वर्या परशुरामे सादर…

‘अहो मुंबई कोणाची…आपलीच ना, जर ती आपली आहे तर तिची काळजी घ्या…. नाहीतर आपल्या निष्काळजीपणामुळे या मुंबईची ‘तुंबई’ होईल’, असं म्हणत ‘तुंबई’ हे नाटक प्रेक्षकांच्या भेटीसाठी सज्ज झालं आहे. ‘आमची मुंबई’च्या सद्य परिस्थितीवर सडेतोड भाष्य करणारं आणि राज्य नाट्य स्पर्धेमध्ये पालघर, ठाणे, रायगडमधून ‘तृतीय पारितोषिक’ विजेतं हे नाटक आज प्रेक्षकांची मनं जिंकण्यात यशस्वी होताना दिसतंय. श्री. रामशेठ ठाकूर सामाजिक विकास मंडळ, पनवेल प्रस्तुत चैतन्य सरदेशपांडे लिखित आणि गणेश जगताप दिग्दर्शित ‘तुंबई’ या नाटकात अगदी हसत खेळत काही गंभीर आणि आवश्यक विषयांना हात घातला जाणार आहे. तुंबई नाटकाचे दिग्दर्शक गणेश जगताप या नाटकाबद्दल सांगतात की, ‘मुळात या मुंबईवर आपल्या सगळ्यांचं प्रेम…

नाटकात मुरलेला एखादा दर्दी रंगकर्मी असो वा नाटकाचा कट्टर प्रेक्षक, त्याला उभ्या आयुष्यात पुढीलपैकी एखाद्या तरी वर्गात मोडणारी सोंगं भेटतातच! पहिला वर्ग अशा लोकांचा ज्यांना नाट्यगृहात जाऊन नाटक बघायला लाज वाटते, पण तीच लोकं सिनेमागृहात तद्दन टुक्कार सिनेमे अगदी अभिमानाने बघून येतात. दुसरा वर्ग अशा लोकांचा जे भाषेचं दुखणं पुढे करतात. इतकं ‘High Level’ मराठी कोणाला येतं… मला ‘Bounce’ जाणार रे! धाडस नाही होत नाटक बघायचं, असं फुशारक्या मारत सांगणारे हे लोक घरी बसून अगदी श्रीलंकन गाण्यांनाही लाखो-करोडो ‘Views’ देतात YouTube वर! जणू काही मराठी नाही तर कुठली तरी परप्रांतीय भाषाच वापरतात नाटकात आणि तिसरी व सगळ्यात महत्वाची श्रेणी… ‘तू…

२०१९ मध्ये श्रेयसी दुसे, पार्थ टाकळकर आणि अद्वैत कुलकर्णी  ‘रंगरेज’ची स्थापना यांनी केली होती. रंगरेज हे एक मनोरंजन गृह असून विविध कलांचा सराव करणारे काही विद्यार्थी ही संस्था चालवतात. आमच्यासारख्या अधिक निर्माते आणि कलाकारांसाठी व्यासपीठ उपलब्ध करून देण्याचे आमचे ध्येय आहे, असे पार्थ टाकळकर यांनी रंगभूमी.com शी बोलताना सांगितले. ३ एप्रिल, २०२२ रोजी ‘रंगरेज’तर्फे एक उपक्रम आयोजित करण्यात आला आहे, जिथे फिरोदिया करंडक २०२२ मधील दोन विजेत्या एकांकिका सादर केल्या जाणार आहेत. स्थळ: बालगंधर्व रंगमंदिर, पुणे वेळ: ३ एप्रिल, रात्रौ ९ वाजता तसेच रंगरेजतर्फे सर्व प्रेक्षकांना मोफत अल्पोपहारही देण्यात येणार आहे. प्रस्तुत कार्यक्रमात सादर होणाऱ्या एकांकिका भूत मारीच्या एकांकिका भूत…

इमर्सिव्ह सेन्सरी अनुभव म्हणजे प्रायोगिक थिएटरचा एक प्रकार जिथे प्रेक्षक केवळ प्रेक्षक नसतात, तर प्रयोगचा सक्रिय भाग असतात. अशाच इमर्सिव्ह सेन्सरी अनुभव देणारी नाटकं घडवणारी भारतातील एक प्रमुख कंपनी म्हणजे ‘रंगाई थिएटर कंपनी’! या कंपनीला त्यांच्या ‘द डार्करूम’ नावाच्या पहिल्याच प्रोजेक्टमध्ये प्रेक्षक आणि प्रसार माध्यांकडून भरपूर प्रशंसा मिळाली. त्यामुळे त्यांनी रंगाईच्या निर्मितीमध्ये पर्यायी घटक समाविष्ट केले आणि ‘द डार्करूम 2.0’ प्रदर्शित केले. त्यालाही भरघोस प्रतिसाद मिळत असतानाच ऐन १९९ वा प्रयोग सादर झाल्यानंतर कोविडच्या पार्श्वभूमीवर लॉकडाऊन जाहीर झाले आणि सर्व काही बदलले. संपूर्ण जगाप्रमाणेच, परफॉर्मिंग आर्ट डोमेनला कोविडमुळे मोठा फटका बसला. रंगाई थिएटर कंपनीचे प्रयोग इंटीमेट पद्धतीचे असल्यामुळे आणि प्रेक्षकांचा…

कोविडच्या पार्श्वभूमीवर रंगभूमी दोन वर्षांच्या प्रदीर्घ काळासाठी स्थगित झाली आणि कट्टर नाट्यरसिक नवनवीन नाट्यानुभव अनुभवण्यासाठी आसुसले. पण आज चित्र वेगळं आहे. आज रंगभूमी पुन्हा एकदा नवा श्वास घेऊ लागली आहे आणि महत्वाचं म्हणजे प्रेक्षकांच्या प्रतीक्षेस न्याय देतील अशा सुखद आणि दर्जेदार नाट्यकलाकृतीही जन्मास येत आहेत. रंगभूमी.com ची संपूर्ण टीमदेखील सर्व नाटकांची माहिती तुमच्यापर्यंत पोहोचविण्यासाठी तत्पर आहेच! तुम्ही आमच्या या प्रयत्नांना कमालीची साथ देताय हेही तितकंच खरं! पण, हे समीकरण तेव्हाच पूर्ण होईल जेव्हा नाटक प्रेक्षकांपर्यंत पोहोचून त्या नाटकाबद्दलची प्रतिक्रिया आमच्यापर्यंत पुन्हा पोहोचेल आणि आज तेच घडलेलं आहे. ‘सारखं काहीतरी होतंय!’ या ताज्यातवान्या नाटकाबद्दल आपले प्रिय वाचक श्री. विजयकुमार अणावकर यांनी…

आम्ही काही दिवसांपूर्वी कणकवली येथे सादर होणाऱ्या परिवर्तन कला महोत्सवाबद्दल तुम्हाला इत्यंभूत माहिती दिली होती. कणकवलीत रंगणार तीन दिवसीय परिवर्तन कला महोत्सव! या तीन दिवसीय महोत्सवाला मिळालेल्या प्रेक्षकांच्या प्रचंड प्रतिसादामुळे आजपासून पुन्हा एकदा कोल्हापूरात हा महोत्सव आयोजित करण्यात येत आहे. भालजी पेंढारकर सांस्कृतिक केंद्र व अमृता इंडस्ट्रीज कोल्हापूर आयोजित या तीन दिवसीय महोत्सवामहोत्सवाबद्दल संपूर्ण माहिती पुढीलप्रमाणे: स्थळ: शाहू स्मारक, कोल्हापूर वेळ: सायंकाळी ६:३० वाजता प्रवेश सर्वांसाठी खुला! परिवर्तन कला महोत्सव वेळापत्रक दि. १ एप्रिल, २०२२ रोजी शंभु पाटील लिखित व मंजुषा भिडे दिग्दर्शित अमृता साहिर इमरोज हे नाटक सादर होणार आहे व या नाटकाचे सादरीकरण परिवर्तनचे कलावंत पार पाडणार आहेत. दि.…

आरंभ प्रोडक्शन हाऊस निर्मित, दोन अंकी मराठी विनोदी नाटक लवकरच प्रेक्षकांच्या भेटीला येत आहे. नाटकाचं नाव आहे ‘बापटला आठवलंय भारी!’ या नाटकाचा शुभारंभाचा प्रयोग मुंबई मराठी साहित्य संघ, चर्नी रोड येथे पार पडणार आहे. भ्रष्टाचार, महागाई सर्व काही डोळ्यासमोर होत असूनसुद्धा त्याकडे दुर्लक्ष करणाऱ्या सामान्य माणसाला जागरूक करून गांभीर्याने विचार करायला लावणारं असं हे नाटक आहे. बापट हा एक सच्चा पत्रकार, इमानदार, जागरूक आणि स्पष्टवक्ता सामान्य माणूस असतो. एका अपघातामुळे तब्बल १८ वर्ष तो कोमात असतो. आता २०२२ साली त्याला शुद्ध आली आहे. शुद्धीवर आल्यावर त्याला बऱ्याच गोष्टी बदलल्या आहेत हे जाणवलं, देश किती प्रगत झाला आहे, टेक्नॉलॉजि किती प्रगल्भ…

संहिता निर्मित आणि प्रयोगशाळा आयोजित ‘बे एके बे’ हा एक अनोखा कार्यक्रम शनिवार दिनांक २६ मार्च रोजी सायंकाळी ५ वाजता, रवींद्र नाट्य मंदिर (मिनी थिएटर) येथे सादर होणार आहे. गीत, काव्य आणि संगीताची एक अनोखी मैफल जी आपल्याला आयुष्याचा पाढा शिकवते आणि मग आपणही म्हणू लागतो.. बे एके बे…! या प्रयोगाची खासियत म्हणजे नवोदित कवींच्या कविता, कवितेची झालेली गाणी आणि शब्दसुरांनी भावविवश करणारी अशी ही मैफल असणार आहे. सादर होणाऱ्या या कविता प्रेक्षकांचे बालपणीचे भावविश्व उलगडतात, तरुण वयातलं प्रेम जागवतात आणि जगरहाटीच्या खेळात येणाऱ्या अनेक अनुभवांची अनुभूती देतात. इथले सूर मंत्रमुग्ध करतात, डोलायला लावतात आणि नाचावतातही! त्यामुळे, आजच्या धावपळीच्या जीवनात…

काही दिवसांपूर्वी आम्ही ‘सम्यक कलांश प्रतिष्ठान आयोजित नाट्यगंध महोत्सव २०२२’ बद्दल इत्यंभूत माहिती देणारा लेख तुमच्या भेटीसाठी आणला होता. हा लेख तुम्ही पुढील लिंकवर क्लिक करून वाचू शकता. नाट्यगंध महोत्सव — स्पर्धेत नजरे आड राहिलेल्या एकांकिकांच्या महोत्सवाचे ४थे वर्ष! आज आपण या महोत्सवात सादर होणाऱ्या एकांकिकांबद्दल माहिती मिळवणार आहोत. यावर्षी नाट्यगंध महोत्सवातील सत्कार मूर्ती आहेत ज्येष्ठ नाट्य दिग्दर्शक अजित भगत आणि म्युझिक ऑपरेटर शशिकांत (दादा) परसनाईक! तसंच, यंदा सोहळ्याला लाभलेले प्रमुख अतिथी आहेत ज्येष्ठ लोकनृत्य दिग्दर्शक सदानंद राणे, नाट्य निर्मिती सूत्रधार प्रभाकर (गोट्या) सावंत, रंगभूषाकार वामन गमरे आणि नेपथ्यकार चंद्रशेखर मेस्त्री. दिनांक : २९ मार्च २०२२ स्थळ : गडकरी रंगायतन,…

‘जागतिक रंगभूमी दिवस’ साजरा करायचं म्हटलं तर या दिवशी गुणी कलाकारांचा सत्कार करणे आणि कलावंतांना सादरीकरणासाठी व्यासपीठ मिळवून देणे यापेक्षा उत्तम ते काय? असा सोहळा म्हणजे थेट रंगभूमीलाच मानवंदना होय! या संकल्पनेस समर्पक असा एक सोहळा ‘अवतरण अकादमी’तर्फे गेली बरीच वर्षे साजरा करण्यात येत आहे. जागतिक रंगभूमी दिवस ‘अवतरण अकादमी’ गेली तेवीस वर्षे सांस्कृतिक अभिरुचीच्या परिपोषासाठी आणि परितोषासाठी कलाविषयक विविध उपक्रम राज्यस्तरावर आयोजित करीत आहे. ‘इंटरनॅशनल थिएटर इन्स्टिटयूट’ (आयटीआय) ह्या १९४८ मध्ये युनेस्को व जागतिक कीर्तीच्या काही रंगकर्मींनी स्थापन केलेल्या, जगातील अत्यंत महत्वाच्या अशासकीय संस्थेने २७ मार्च, १९६२ पासून जागतिक रंगभूमी दिवस साजरा करण्याची सुरुवात केली. प्रयोगजीवी कलांबाबतचे ज्ञान व परंपरांची आंतरराष्ट्रीय…