अनेक दशके इंग्लिश, हिंदी आणि गुजराती रंगभूमीवर सातत्याने विविध पद्धतीची नाटकं देणारे आणि भारतातील हिंग्लिश (हिंदी + इंग्लिश) नाटकांचे प्रणेते म्हणून ओळखले जाणारे सुप्रसिद्ध ॲड गुरु, लेखक-दिग्दर्शक आणि अभिनेते भरत दाभोळकर (Bharat Dabholkar) प्रथमच मराठी रंगभूमीवर एक आगळे वेगळे नवीन मराठी नाटक (New Marathi Natak) घेऊन एन्ट्री घेत आहेत. त्यांच्या या पदार्पणामुळे नाट्यप्रेमींना आता मराठीतही ‘दाभोळकरी पॅटर्न’ची धम्माल अनुभवायला मिळणार आहे.
गाजलेल्या इंग्रजी नाटकाचे मराठी रूप: ‘कॅरी ऑन SPYगिरी’ (Carry On Spying Marathi Adaptation)
सध्या इंग्रजी रंगभूमीवर तिसऱ्यांदा दाखल झालेल्या ‘कॅरी ऑन स्पाईंग’ (Carry on Spying) या नाटकाचे मराठी रूपांतर घेऊन भरत दाभोळकर आणि त्यांची टीम सज्ज झाली आहे. ‘कॅरी ऑन SPYगिरी’ (Carry On SPYgiri) या नावाने हे आगामी मराठी नाटक रंगभूमीवर येत असून, ‘सवाईगंधर्व’ (Sawaigandharva) या संस्थेचे निर्माते आकाश भडसावळे हे हे नाटक खास मराठी रसिकांसाठी घेऊन येत आहेत.
‘कॅरी ऑन स्पाईंग’ हे नाटक प्रथमतः विजू खोटे, किशोर प्रधान, शोभा प्रधान, अतुल परचुरे, आणि अतुल काळे अशा दिग्गजांनी अनेक वर्षांपूर्वी इंग्लिश रंगभूमीवर सादर केले होते आणि आजही ते उत्तम नटसंचात इंग्लिशमध्ये सुरू आहे.
भरत दाभोळकरांचे मराठी प्रेम आणि नाटकाचा बाज
इंग्लिश-हिंदी रंगभूमीवर दाखल होणाऱ्या नाटकांचा बाज आणि सादरीकरणाची पद्धत ही थोडी वेगळी असते. भरत दाभोळकरांची नाटके ही नेहमीच ‘फुल टू एंटरटेनमेंट’ स्वरूपाची असतात. असे असले तरीही, यापूर्वी त्यांनी पु. ल. देशपांडे यांचे ‘तुझे आहे तुजपाशी’, जयवंत दळवींचे ‘पुरुष‘, आणि प्रदीप दळवींचे ‘मी नथुराम गोडसे बोलतोय‘ अशी गंभीर मराठी नाटकेही इंग्रजीत आणली होती आणि प्रसिद्ध नटांच्या साथीने ती गाजवलीही होती.
आता स्वतःच्याच हलक्या-फुलक्या आणि धमाल आणणाऱ्या नाटकाद्वारे ते मराठी रसिकांचे चार घटका मनोरंजन करण्यासाठी येत आहेत.
नाटकातील कलाकार आणि टीम (Cast and Crew)
लेखन आणि दिग्दर्शन: भरत दाभोळकर
निर्मिती: आकाश भडसावळे (सवाईगंधर्व)
प्रमुख भूमिका (Lead Actors): या नाटकात स्वतः भरत दाभोळकर आणि इंग्लिश रंगभूमी गाजवणारे अभिनेते मोहन आझाद (Mohan Azaad) हे विविध भूमिकांमध्ये दिसणार आहेत.
इतर नटसंच: नाटकातील इतर कलाकारांची नावे निर्मिती संस्थेकडून लवकरच जाहीर करण्यात येतील.
शुभारंभाचे प्रयोग (Carry On SPYgiri Natak Shows & Booking Dates)
नाट्य क्षेत्रातील सर्वांनाच या नवीन मराठी नाटकातील (Latest Marathi Natak) कलाकार आणि विषय यांची उत्सुकता लागली असून, या नाटकाचे शुभारंभाचे प्रयोग खालीलप्रमाणे रंगणार आहेत:
- १० एप्रिल २०२६: श्री शिवाजी मंदिर नाट्यगृह, मुंबई (Shree Shivaji Mandir Natyagruha, Mumbai)
१८ एप्रिल २०२६: बालगंधर्व रंगमंदिर, पुणे (Balgandharva Rangamandir, Pune)
