Author: गायत्री देवरुखकर

‘आजकल’ आणि ‘आपलं घर’ प्रस्तुत एक सुंदर कार्यक्रम प्रेक्षकांच्या भेटीस येणार आहे. पुरुषोत्तम करंडक विजेत्या दोन दर्जेदार आणि भिन्न धाटणीच्या एकांकिका सादर केल्या जाणार आहेत. १६ जुलै रोजी, रात्री ९ वाजल्यापासून यशवंतराव चव्हाण, पुणे येथे या एकांकिका प्रेक्षकांना बघता येणार आहेत. ऑनलाईन बुकींगसाठी ticketkhidakee.com या वेबसाईटला भेट द्या. तसेच, ग्रुप बुकींगसाठी ८४ २१०० ४४६४ या क्रमांकावर WhatsApp करा. सादर होणाऱ्या एकांकिकांची माहिती सॉरी परांजपे लेखन — चिन्मय देव दिग्दर्शन — ऋषी मनोहर आजकल सादर करत असलेल्या सॉरी परांजपे ह्या एकांकिकेचा पहिला प्रयोग पुरुषोत्तम करंडक २०१७ मध्ये सादर झाला. ह्या नाटकाचं लेखन चिन्मय देव ह्याने केलं असून दिग्दर्शन ऋषी मनोहर ह्याने केलं आहे.…

घरच्यांसोबत ३ तास धमाल मनोरंजन अनुभवता यावं, असे कार्यक्रम दूरदर्शनवर आजकाल फार क्वचित पाहायला मिळतात. शिव्यागाळ, अश्लील दृश्य यांचा तर बरेच वेळा मारा केला जातोय प्रेक्षकांवर! अशातच, प्रेक्षकांना तुफान हसवणारं आणि एक छानसा संदेश देऊन जाणारं वेद प्रोडक्शन हाऊसचं संतोष पवार लिखित-दिग्दर्शित ‘हीच तर फॅमिलीची गंमत आहे’ हे हलकं-फुलकं नाटक सध्या रंगभूमीवर खूप गाजतंय. आनंदाची बातमी अशी की, १६ जुलै रोजी हे नाटक सुवर्णमहोत्सवी प्रयोग सादर करणार आहे. यशस्वी ५० प्रयोगांचा टप्पा गाठल्यामुळे नाटकातील कलाकार अतिशय खुश आहेत. तसेच ते मायबाप रसिक प्रेक्षकांचे आभार व्यक्त करण्यासाठी आतुरही आहेत. हा ५० वा प्रयोग १६ जुलै रोजी ४ वाजता बोरिवली येथील प्रबोधनकार…

काही दिवसांपूर्वी आम्ही अभिनय, कल्याण आयोजित ‘अभिनय प्रमाणपत्र अभ्यासक्रम’ या उपक्रमाबद्दल तुम्हाला माहिती दिली होती. तज्ज्ञ मार्गदर्शकांच्या मार्गदर्शनाखाली हा संपूर्ण अभ्यासक्रम विकसित केला गेला होता. तुम्हाला अद्याप या अभ्यासक्रमाबद्दल माहिती नसेल तर पुढील लिंकला नक्की भेट द्या. कारण, लवकरच अभिनय प्रमाणपत्र अभ्यासक्रमाचा द्वितीय वर्ग सुरू होणार आहे. अभिनय, कल्याण आयोजित अभिनय प्रमाणपत्र अभ्यासक्रम — अभिनयाचे शास्त्रीय शिक्षण खुशखबर अशी की या अभ्यासक्रमाच्या प्रथम वर्गात तयार झालेल्या कलाकारांचं जगदीश पवार लिखित आणि अभिजीत झुंजारराव दिग्दर्शित ‘साम्राज्यम्’ हे नाटक लवकरच तुमच्या भेटीस येत आहे. अभिनय, कल्याण निर्मित सावित्रीबाई फुले पुणे विद्यापीठ ललित कला केंद्र गुरूकुल प्रकाशित आणि केशव गोरे स्मारक आयोजित ‘साम्राज्यम्‌’…

बऱ्याच दिवसांपासून कार्यान्वित असलेला आणि नियोजनबद्ध केलेला आनंदयात्री या मोठ्या फेसबुक समूहाचा स्नेहसंमेलन GTG अर्थात गेट टुगेदर सोहळा १९ जून २०२२ रोजी ठाण्यात ब्राह्मण सेवा संघाच्या हॉल मध्ये भरगच्च उपस्थितीत अतिशय दिमाखदारपणे संपन्न झाला. साधारणपणे गेल्या एक महिना आधीपासून आनंदयात्री ठाणे विभागात असलेल्या आयोजक टीम मधील प्रत्येकानेच हा सोहळा यशस्वी करण्यासाठी खूप धडपड व मेहनत घेतली आहे. लॉकडाऊन मध्ये सुरू झालेल्या आनंदयात्री फेसबुक ग्रुपने महाराष्ट्रांतील तमाम उत्साही, हौशी, हुशार मंडळींना एकत्र आणलं आहे. फक्त महाराष्ट्रातच नव्हे तर महाराष्ट्राबाहेर व विदेशातून सुद्धा अनेक मराठी मंडळी या समूहाचा हिस्सा बनली. लॉकडाऊनपासून ते आजपर्यंतच्या या एका मोठ्या कालखंडात आनंदयात्री समूहाने AYPL म्हणजेच आनंदयात्री प्रीमियर…

क्लेअर डॉवी लिखित ‘why is jhon lennon wearing a skirt?’ या नाटकाचे अनुसर्जन म्हणजेच ‘शक्तीमान ने स्कर्ट का घातलाय?’ हे तेजस कुलकर्णी दिग्दर्शित एकलनाट्य आपल्या भेटीसाठी सज्ज झाले आहे. समाजात स्त्री अथवा पुरुष या दोन लिंगांपैकी एखादं लिंग स्वीकारणं प्रत्येक मनुष्याला अनिवार्य आहे. याव्यतिरिक्त काही भावना त्याने व्यक्त केली अथवा लक्षणं त्याने दर्शविली तर त्याला समाजमान्यता मिळत नाही. याच विषयाला अनुसरून समाजाच्या लिंगरचनेकडे बघण्याच्या निरर्थक स्वभावाबद्दल सडेतोड भाष्य करणारं हे नाटक आहे. भाग्यश्री पवार ही या नाटकातील अभिनेत्री आहे. ‘शक्तीमान ने स्कर्ट का घातलाय?’ हे नाटक क्लेअर डॉवीच्या why is jhon lennon wearing a skirt? या नाटकाचे अनुसर्जन. लिंगअपेक्षा (Gender…

फार क्वचित नाटकं आपल्याला संवाद, वाक्यरचना, शृंगार, नेपथ्य या सगळ्यापलीकडे जाऊन एक निखळ नाट्यानुभव देऊन जातात. नाटकघर, पुणे निर्मित, रामू रामनाथन लिखित आणि अमर देवगांवकर अनुवादित ‘शब्दांची रोजनिशी’ हेदेखील याच धाटणीतील एक अनोखं नाटक! आनंदाची बातमी अशी की या नाटकाचा सुवर्णमहोत्सवी प्रयोग १२ जून रोजी, औरंगाबाद येथे सादर होणार आहे. अतुल पेठे यांनी या नाटकाच्या दिग्दर्शनाची व प्रकाशयोजनेची धुरा सांभाळली आहे. या नाटकात दोन पात्रं आहेत. अतुल पेठे आणि केतकी थत्ते या बहुगुणी कलाकारांनी दोन्ही व्यक्तिरेखा अतिशय सुंदर साकारल्या आहेत. या नाटकाबद्दल सांगताना अतिशय मिश्किलपणे अतुल पेठे म्हणतात की, “या नाटकात दोन कथा आहेत. जगातील कुठल्याही भाषेत असतात तशा त्या…

द बेस आयोजित दोन लघुनाटिका एकाच तिकिटात बघता येण्याची सुवर्णसंधी प्रेक्षकांसाठी चालून आली आहे. दोन वेगळ्या धाटणीचे विषय घेऊन कलाकार तुमच्या भेटीसाठी सज्ज झाले आहेत. ‘द रेप’ व ‘अंडासेल’ अशी दोन नाटकं ११ जून रोजी सायंकाळी ६ वाजता द बेस, एरंडवणे – पुणे येथे सादर होणार आहेत. प्रयोगाचे तिकीट शुल्क मात्र १५०/- आकारण्यात आले आहे. अंडासेल लेखक व दिग्दर्शक – शिवम पंचभाई कलाकार – मंथन काळपांडे, दर्शन कुलकर्णी, कौशिक कुलकर्णी, स्वराली पेंडसे, अतुल कूडळे, किशोर क्षीरसागर, लकी वाघमारे प्रकाशयोजना – लीना जोशी संगीत संयोजन – चैतन्य बीडकर अंडासेल ही जेल मधली एक शिक्षा आहे. अंडासेल मध्ये अडकलेल्या दोन कैद्यांची ही गोष्ट…

कोरोनारुपी राक्षसाने हळूहळू अख्ख्या जगाला स्वतःच्या विळख्यात ओढून घेतले आणि त्यामुळे अखंड जीवसृष्टी हादरून गेली, हे आपण जाणून आहोतच! साधारण दोन अडीच वर्षांपूर्वी, या भयंकर महामारीची उत्पत्ती चीनमधील व्यूहान शहरात झाल्याची छोटीशी बातमी वर्तमानपत्राच्या एका कोपऱ्यात आली होती. पण ही बातमी भविष्यात असे काही भीषण रूप धारण करील याबद्दल कोणी विचारही केला नव्हता. सर्वसामान्य जनता जेव्हा या महामारीशी दोन हात करत होती आणि आपल्या जवळच्या माणसांना गमावत होती, तेव्हा या रोगावर Vaccine शोधू पाहणाऱ्या फार्मा रिसर्च कंपन्यांमध्ये जी काही चढाओढ झाली त्याचं खळबळजनक चित्रण करणारं एक वैचारिक नाटक आपल्या भेटीस येत आहे. ६० व्या महाराष्ट्र राज्य हौशी मराठी नाट्य स्पर्धेत सादर…

भारतीय शास्त्रीय संगीत, नृत्य तसेच पारंपारिक व समकालीन नाटक महाराष्ट्राच्या खेड्यापाड्यातून तसेच सर्वदूर पोहोचवण्याच्या हेतूने ललित कला केंद्र विस्तार कार्यक्रम अर्थात रेपर्टरी सुरू करण्यात आली आहे. या अंतर्गत ‘अपवाद आणि नियम’ आणि ‘वाघाची गोष्ट’ या दोन नाटकानंतर आता ललित कला केंद्र गुरुकुल विभागातर्फे आपल्यासाठी घेऊन येत आहे एक नाटक ‘संगीत: कमली की सत्वपरीक्षा अर्थात ह्यो रिश्ता क्या कहलाता है…?’ साधारणपणे लोककला प्रकाराच्या अंगाने उभ्या केलेल्या या नाट्यात नौटंकी आणि दशावताराचा मिलाफ आहे. विवाहसंस्थेला धरून पुर्वापार चालत आलेले सामाजिक संकेत आणि सर्वमान्य चौकटी माणूस जनरीत म्हणून स्वीकारतो. तथाकथित सुसंस्कृत बनून राहण्यासाठी नातं टिकवून ठेवण्याच्या हट्टात स्वतःशीच चाललेल्या झगड्याला आणि त्यातून होणाऱ्या दमनाला…

‘नाटकात रमलेला माणूस रंगभूमीपासून फार काळ दूर राहू शकत नाही’, असं म्हणतात आणि हे ब्रीदवाक्य बऱ्याच कलाकारांनी आजवर सिद्धही केलेलं आहे. याच कलाकारांच्या यादीतील दोन महत्वाची नावं म्हणजे अमृता सुभाष आणि संदेश कुलकर्णी! या जोडप्याचं ‘फिर से हनिमून’ हे हिंदी नाटक सध्या रंगभूमीवर प्रेक्षकांची वाहवा मिळवत आहेच! पण, आता हेच नाटक ‘पुन:श्च हनिमून’ या नावाने मराठी भाषेतही प्रेक्षकांच्या भेटीसाठी रंगभूमीवर सज्ज झाले आहे. https://www.youtube.com/watch?v=kh6qyBaanAM नाटकाबद्दल थोडंसं… आपल्या नात्यात आलेलं साचलेपण घालवण्यासाठी एक जोडपं पुन्हा हनिमूनला जातं. सगळं पाहिल्यासारखं व्हावं असा त्यांचा प्रयत्न असतो. हॉटेल ड्रीमलँडला ते पोहोचतात तेव्हा ते हॉटेल घरासारखं दिसायला लागतं. भूतकाळातल्या घटना वर्तमानात मिसळायला लागतात. कधी हसवणाऱ्या…

प्रशांत दामले फॅन फाऊंडेशन व गौरी थिएटर्स निर्मित आणि सरगम प्रकाशित ‘एका लग्नाची पुढची गोष्ट’ या नाटकाच्या ५०० व्या प्रयोगानिमित्त सत्कार सोहळ्याचे आयोजन केल्याचे वृत्त आम्ही तुमच्यापर्यंत पोहोचविले होते. पुढील लिंकवर क्लिक करून तुम्ही हे वृत्त वाचू शकता. ‘एका लग्नाची पुढची गोष्ट’ नाटकाचा ५०० वा प्रयोग! — मान्यवरांच्या उपस्थितीत विशेष कार्यक्रमाचे आयोजन ‘एका लग्नाची पुढची गोष्ट’ या नाटकाचा ५०० वा प्रयोग रविवार दिनांक २९ मे रोजी विलेपार्ले येथील दीनानाथ नाट्यगृहात हाऊसफुल्ल गर्दीत पार पडला. नाटकाने ५०० चा यशस्वी टप्पा गाठल्याबद्दल नाटकातील कलाकारांचा सत्कार सोहळा आयोजिण्यात आला होता. प्रशांत दामले, कविता मेढेकर, अतुल तोडणकर, मृणाल चेंबूरकर, प्रतीक्षा शिवणकर, राजसिंह देशमुख व…

कुर्ल्यातील नेहरू नगर येथील प्रबोधन प्रयोगघर! या छोट्याशा आणि टुमदार नाट्यगृहाची सध्या रंगकर्मींमध्ये खूपच चर्चेत आहे. प्रबोधन प्रयोगघर हे प्रायोगिक तसेच व्यावसायिक रंगभूमीसाठी उचलण्यात आलेलं एक अत्यंत महत्वाचं पाऊल आहे. प्रायोगिक संस्थांना शक्य होईल अशा कमी दरात येथे प्रयोग सादर केले जाऊ शकतात. एका मैदानाच्या कडेला असलेली ही बहुरंगी वास्तू बऱ्याच रंगकर्मींसाठी एक महत्वाचं व्यासपीठ ठरताना दिसत आहे. या वास्तूबद्दल इत्यंभूत माहिती मिळविण्यासाठी रंगभूमी.com च्या टीमने ही वास्तू उभारण्यात मोलाचा वाटा असलेल्या ज्येष्ठ लेखक आणि दिग्दर्शक श्रीनिवास नार्वेकर यांची भेट घेतली. या भेटीचा संक्षिप्त आढावा घेणारा हा व्हिडिओ नक्की बघा. https://youtu.be/PFsSRFp1lww तसेच, रंगकर्मींसाठी अजून एक खुशखबर आहे!!! प्रयोग घरात तब्बल…