दि. बा. मोकाशी यांच्या कथासंग्रहावर आधारित कथेच रूपांतर आणि दिग्दर्शन शिवम पंचभाई यांनी अगदी कुशलतेने केले आहे. विषय खूप छान नाजूकपणे व लोकांना विचार करायला भाग पाडेल असा मांडला आहे. मराठी आणि काटकरी भाषेचा सुरेख मेळ घालून भाषेचा गोडवा दुप्पट केलाआहे. एकपात्री अभिनयात प्रेक्षकांना खेचून ठेवनं खरच अवघड असतं पण समृद्धी खडके यांनी अभिनया बरोबर भाषेवर पकड धरल्यामुळे नाटक अजून जास्त डोळ्या समोर उभे राहते. ऐका छोट्या वाडीचे रूप फक्त अभिनय आणि शब्दांनी उत्तम पणे उभे केले,पारंपरिक अशा तारपा नृत्याने आणि संगीताने छोट्या वाडीचे मोठे रूप खुलविले,वणव्याचं वर्णन करताना साकारलेल्या व्यक्ति रेखा, प्रकाश योजना आणि संगीत नाटकाची जमेची बाजू आहे. डोंगरावरचा धगधगता वणवा मनातल्या विझलेल्या माणुसकीला जिवंत करून गेला यात काही शंका नाही.

Thank you INcomplete Theatre and रंगभूमी.com 🙏🙏

नाटकामध्ये फक्त तीन स्त्री पात्र होती. त्यापैकी दोन स्त्रियांना संवाद नव्हते. मुख्य नायिकेच्या अभिनयाला नृत्याची जोड देणे एवढेच त्यांचे काम होते. नाटकाचा कालावधी 70 मिनिटांचा होता परंतु नाटकातील नायिका समृद्धी खडके हिने अप्रतिम अभिनय या नाटकात दाखवला. तर रश्मी माळी आणि प्रज्ञा समर्थ यांनी तिला अनुरूप अशी साथ दिली. हे नाटक ‘रंगभूमी.com’ यांच्या मदतीने रंगभूमीवर आलेले आहे. कालचा प्रयोग हा दहावा प्रयोग होता. नाटकातील बोलीभाषा ही विदर्भातील कातकरी समाजाची होती. नृत्यप्रकार तारपा हा होता. परंतु भाषा संपूर्ण मराठी नसली तरी नाटक समजण्यास काही अडचण आली नाही. (जसे की ‘वाडा चिरेबंदी नाटक’ समजायला आपल्याला वैदर्भीय भाषा असली तरी काही अडचण येत नाही)

आपल्याला देखील संधी मिळाली तर हे नाटक अवश्य पाहा.