रंगभूमी.com
    Facebook Twitter Instagram YouTube WhatsApp Telegram RSS
    • Home
    • About Us
    • Subscribe
    • Donate
    • Advertise
    • Contact Us
    Facebook Twitter Instagram YouTube WhatsApp Telegram RSS
    रंगभूमी.com
    • Home
    • Book Tickets
    • Marathi Natak Info
    • Shows Calendar
    • News
      vaibhav mangle summer heat facebook post

      आधीच उकाडा आणि त्यात संतापाचा वणवा! — “कुठे आणि कशी मागावी दाद!”, वैभव मांगलेंचा सवाल

      May 16, 2023
      ncpa pratibimb natya utsav 2023 cover

      प्रतिबिंब मराठी नाट्य उत्सव — नाटकं बघण्यासाठी, शिकण्यासाठी आणि जगण्यासाठी आयोजिलेला नाट्योत्सव!

      May 1, 2023
      Natyadarbar

      नाट्यदरबार — दर्जेदार नाट्यानुभवांची रंगतदार मैफल!

      April 26, 2023
      mushafiri cover 2

      पु.लंसोबत एका बहुरंगी ‘मुशाफिरी’चा आस्वाद घ्यायला चला!

      March 17, 2023
      Paach Futacha Bachchan Marathi Natak

      ‘रोम रोम रंगमंच’चे नवे नाटक – पाच फुटाचा बच्चन

      February 28, 2023
    • Reviews
      devmanus marathi natak cover 2

      देवमाणूस — युद्धाची भीषणता दाखवणारं वास्तवदर्शी चित्रण

      April 29, 2023
      sad sakharam natak

      भावभावना परत मिळवण्यासाठी भावनिक गुंत्यात अडकलेला ‘Sad सखाराम’ [Review]

      January 17, 2023
      Aamne Saamne Marathi Natak

      आमने सामने — दोन संसाराची हटके गोष्ट

      December 30, 2022
      Andhe Jahaan Ke Andhe Raaste Marathi Natak Review

      अंधे जहाँ के अंधे रास्ते [Review] — शहराच्या घाणीत अडकलेल्या मॅनहोल सफाई कर्मचाऱ्यांची कथा

      June 30, 2022
      Gunta

      गुंता एकांकिका [Review]- नात्यातल्या गुंत्याची एक अनोखी बाजू

      May 18, 2022
    • Podcast
    • Opinion
      sad sakharam natak

      भावभावना परत मिळवण्यासाठी भावनिक गुंत्यात अडकलेला ‘Sad सखाराम’ [Review]

      January 17, 2023
      Aamne Saamne Marathi Natak

      आमने सामने — दोन संसाराची हटके गोष्ट

      December 30, 2022
      Pradeep Patwardhan Moruchi Mavshi Prashant Damle

      चटका लावणारी ‘एक्झिट’

      August 11, 2022
      Zapurza Kavyayog

      काव्ययोग संपन्न! — असा पार पडला झपुर्झाचा पहिला टप्पा

      July 11, 2022
      Anandyatri

      आनंदयात्री स्नेहसंमेलन (GTG) सोहळा

      June 30, 2022
    • Events
      ncpa pratibimb natya utsav 2023 cover

      प्रतिबिंब मराठी नाट्य उत्सव — नाटकं बघण्यासाठी, शिकण्यासाठी आणि जगण्यासाठी आयोजिलेला नाट्योत्सव!

      May 1, 2023
      Natyadarbar

      नाट्यदरबार — दर्जेदार नाट्यानुभवांची रंगतदार मैफल!

      April 26, 2023
      mushafiri cover 2

      पु.लंसोबत एका बहुरंगी ‘मुशाफिरी’चा आस्वाद घ्यायला चला!

      March 17, 2023
      arogyam dhanasampada prayogik kalamanch opening cover

      मकरंद देशपांडे यांच्या हस्ते ‘आरोग्यम धनसंपदा प्रायोगिक कलामंचाचे’ उद्घाटन — प्रायोगिक नाट्यमहोत्सवाने कलामंचाचा शुभारंभ

      October 17, 2022
      adpk prayogik natya mahotsav 2022 cover

      मालाडमध्ये नव्या रंगमंचाचा लवकरच शुभारंभ — शुभारंभाप्रीत्यर्थ नाट्यमहोत्सवाची घोषणा

      October 10, 2022
    • रंगभूमी.com
      • About Us
      • Subscribe to Us
      • Advertise Here
      • Contact Us
    रंगभूमी.com
    Home»Reviews»देवमाणूस — युद्धाची भीषणता दाखवणारं वास्तवदर्शी चित्रण
    Reviews 4 Mins Read

    देवमाणूस — युद्धाची भीषणता दाखवणारं वास्तवदर्शी चित्रण

    By गायत्री देवरुखकरApril 29, 2023Updated:April 29, 2023
    devmanus marathi natak cover 2
    Share
    WhatsApp Facebook Twitter LinkedIn Pinterest Email

    न्यूज चॅनेल बघून किंवा वर्तमानपत्रातील ताज्या बातम्या बघून आपण ‘चाय पे चर्चा’ करत कित्येकदा अगदी सहजपणे म्हणून जातो, “तिसरं महायुद्ध अटळ आहे.” पण खरंच जर महायुद्ध झालं तर त्या युद्धाचं स्वरूप, त्याची भीषणता कुठल्या थराची असेल याची अद्याप आपल्याला किंचीतही जाणीव नाही. हाच पहिला विचार आलेला माझ्या डोक्यात जेव्हा मी ‘देवमाणूस‘ नाटक बघून नाट्यगृहातून बाहेर पडले. ताजे चेहरे घेऊन अतिशय वेगळ्या आणि महत्वपूर्ण अशा ज्वलंत विषयाचे नाटक घेऊन आल्याबद्दल सर्वप्रथम भद्रकाली प्रोडक्शनचे आणि प्रामुख्याने प्रसाद कांबळी यांचे अभिनंदन आणि खूप खूप कौतुक! आणि इतकी सुंदर नाट्यकृती स्वतःच्या लेखणीतून अस्तित्वात आणल्याबद्दल शंतनू चंद्रात्रे यांचे हार्दिक अभिनंदन, आणि खूप आभार.

    भद्रकालीतर्फे याआधीही नवे चेहरे घेऊन, असे वेगळे विषय हाताळण्यात आले आहेत. ज्याचं सगळ्यात उत्तम उदाहरण म्हणजे प्राजक्त देशमुख लिखित-दिग्दर्शित नाटक ‘संगीत देवबाभळी’! हे नाटक आजपर्यंत ४२ पेक्षा जास्त पुरस्कारांनी सन्मानित झाले आहे. हे नाटक लवकरच प्रेक्षकांचा निरोप घेणार असलं तरी आजही या नाटकासाठी प्रेक्षकांचे प्रेम जराही कमी झालेले नाही.

    ‘देवमाणूस’ नाटकातील मुख्य नायक नाटकाच्या सुरुवातीलाच, “हे २०२३ वर्ष सुरू आहे आणि मी युक्रेनमधील युद्धभूमीवर उभा आहे”, असे म्हणतो. यावरून तुम्हाला नाटकाच्या विषयाबद्दल थोडा अंदाज आलाच असेल. हे नाटक प्रत्येकाने एक वास्तव म्हणून बघणं खूप गरजेचं आहे.

    Devmanus Marathi Natak Synopsis

    या नाटकाची कथा सांगायची झाली तर या कथेत आहे एक डॉक्टर, ज्याचं पोस्टिंग झालंय घायाळ लोकांच्या मदतीसाठी. हे लोक म्हणजे युद्धभूमीपासून नजीकच्या परिसरात राहणारे सामान्य रहिवाशी. युद्धभूमीपासून काहीच अंतरावर तंबू ठोकून स्वतःच्या जीवाची पर्वा न करता लोकांचे जीव वाचवणारा हा डॉक्टर. नाटकाचा मुख्य नायक. हा नायक आपल्याला त्याला युद्धभूमीवर आलेले अनुभव सांगतो. हे अनुभव वेगवेगळ्या देशातले आणि वेगवेगळ्या काळातले आहेत. नायक प्रेक्षकांना वेगवेगळ्या काळात घेऊन जातो आणि आपल्याला त्या त्या ठिकाणची माणसं भेटत जातात. अशी माणसं ज्यांचं कुणीतरी किंवा काहीतरी किंवा सगळंच या युद्धात हरवलंय. विस्कटलंय. अशी माणसं ज्यांना स्वतःच्या घरातच २४ तास घाबरत, लपत राहावं लागतंय. कधी कुठल्या बॉम्बवर आपलं नाव लिहिलं असेल याची त्यांना खात्री नाही. मन एकाच वेळी सुन्न आणि विचलित करून टाकणारे असे प्रसंग ओळीने आपल्यासमोर येत राहतात. आता हे दाखविण्यात आलेले काळ कोणते? माणसं कोणती? त्यांची गोष्ट काय? हे जाणून घेण्यासाठी ‘देवमाणूस’ नाटकाला अवश्य भेट द्या.

    devmanus marathi natak review 2
    devmanus marathi natak review 3
    devmanus marathi natak review 4
    devmanus marathi natak review 1

    नाटकाच्या सुरुवातीला आपल्याला असा अंदाज येतो की जखमींची मदत करणारा डॉक्टर हाच देवमाणूस आहे आणि त्याच्याभोवती हे कथानक गुंफलेलं असेल. पण नाटक जसजसं पुढे जातं तशी आपल्याला इतरांचा जीव वाचवणारी माणसं दिसत राहतात. सगळी पात्रं डॉक्टरच्या सभोवताली फिरत नसून ही पात्रं वेगवेगळया काळात, वेगवेगळया प्रसंगात एकमेकांसाठीही देवासारखी उभी राहताना दिसतात.

    युद्धभूमीवर युद्ध सुरू असतं तेव्हा स्वतःचा आणि आप्तेष्टांचा जीव वाचवण्यासाठी या सामान्य रहिवाशांचं एक वेगळं युद्ध सुरू असतं, हे या नाटकात खूप प्रकर्षाने दिसून येतं. माणूस देव बनू शकतो अथवा दानव. जर प्रत्येक माणूस देवासारखा इतरांचा विचार करून संयमी वृत्तीने विचार करू शकला तर युद्ध होणारच नाही. पण याच माणसाची दानववृत्ती जागृत झाली तर मात्र युद्ध अटळ आहे! या त्या युद्धात निष्पाप जीवांचं बळी पडणंही अटळ आहे!

    Devmanus Marathi Natak Cast

    नाटकातील सर्वच चेहरे नवे आहेत. म्हणून हे नाटक नाकारत असाल तर तुम्ही मोठी चूक करताय. या नाटकातील सर्वच पात्रं सुंदर साकारली गेली आहेत. मुख्य नायक वगळता इतर सर्वांनी एकापेक्षा जास्त पात्रं साकारली आहेत. प्रणव प्रभाकर, शर्वरी पेठकर, श्रीपाद देशपांडे, दुर्गेश बुधकर, ऋतुजा पाठक, आशिष चंद्रचूड या सर्वांचाच अभिनय चांगला झाला आहे. शर्वरी पेठकर आणि प्रणव प्रभाकर यांचा अभिनय आणि त्यांनी साकारलेली पात्रं ठळक लक्षात राहतात. ऋतुजा पाठक या अभिनेत्रीने तिला दिलेल्या व्यक्तिरेखांमधले वेगळेपण सहजरीत्या जपले आहे. दुर्गेश बुधकर या कलाकाराने सगळं विस्कटल्यावरही नव्याने सुरुवात करू पाहणारा इसम चांगला साकारला आहे. श्रीपाद देशपांडे याने डॉक्टर साकारला आहे. त्याच्याच नजरेतून आपण हे नाटक पाहत असतो. सगळ्या पात्रांना जोडणारा हा सूत्रधार त्याने उत्तम साकारला आहे. आशिष चंद्रचूड या कलाकाराने त्याला दिलेल्या भूमिकांना अचूक न्याय दिलेला आहे.

    Devmanus Marathi Natak Review

    प्रत्यक्ष युध्द न दाखवता निव्वळ शब्दांच्या जोरावर शंतनू चंदात्रे या गुणी लेखकाने, युद्धाचे उमटणारे भयंकर पडसाद सुस्पष्टरीत्या दर्शविले आहेत. दिग्दर्शक आणि कलाकार यांनी त्या शब्दांना अचूक न्याय देणारे सादरीकरणही केले आहे. या नाटकात प्रत्येकाच्या चेहऱ्यावर काहीतरी हरवल्याचे, हातातून निसटल्याचे, विस्कटल्याचे भाव आहेत. ते भावच शब्दांपलीकडचं असं बरंच काही बोलून जातात. यासाठी दिग्दर्शक जयेश आपटे आणि सर्व कलाकारांचं करावं तितकं कौतुक कमीच आहे. नाटकाचं पार्श्वसंगीत आणि प्रकाशयोजना विषयाला साजेशी आहे. युद्धभूमी आणि त्यात होणाऱ्या आक्रमक चकमकी दाखवताना प्रकाशयोजनाकार अमोघ फडके, पार्शवसंगीतकार शुभम जोशी आणि सायली सावरकर तसेच नेपथ्यकार हर्षद माने, विशाल नवाथे आणि अंकुश कांबळी या संपूर्ण टीमची खूप मदत झाली आहे. नेपथ्याबद्दल एक ठळक आठवण सांगायची तर ती म्हणजे एका दृश्यात स्फोट झाल्यानंतर कोसळून पडलेल्या भग्न वास्तूचे चित्रण अतिशय सुंदर करण्यात आले आहे. तो निव्वळ सेट बघूनच मन बेचैन होतं. विचार करू लागतं. रंगभूषाकार सचिन वारीक यांनीही सगळी पात्रं तंतोतंत उठून दिसण्यात मोलाची कामगिरी बजावली आहे. तसेच, हवाई हल्ला दाखवताना अमोघ फडके यांनी वापरलेले प्रकाशयोजनेचे तंत्र नाट्यगृहात अगदी जिवंत वाटते.

    अगदी थोडक्यात सांगायचं तर हे फक्त नाटक नाहीये. तर युद्धभूमीवर मृत्यूशी झुंज देणाऱ्या स्थानिक लोकांच्या आयुष्याचं भीषण स्वरूप दाखवणारं वास्तववादी चित्रण आहे. मी प्रेक्षकांना आवाहन करते की त्यांनी हे नाटक नक्की पाहावं. नाटक कसं वाटलं हे आम्हाला खाली कमेंट्समध्ये कळवायला विसरू नका.

    Upcoming Shows

    • There are no upcoming मराठी नाटकं.
    Natak Tickets Online Booking
    Ashish Chandrachud Bhadrakali Bhadrakali Productions Devmanus Devmanus Marathi Natak Durgesh Budhkar featured Jayesh Apte Pranav Prabhakar prasad kambli Rutuja Pathak Shantanu Chandratre Sharvari Pethkar Shreepad Deshpande Shripad Deshpande
    Share. WhatsApp Facebook Twitter Pinterest LinkedIn Telegram Reddit Tumblr Email
    Previous Articleचंद्रलेखा जोशी : पी.एस.आय. जमदाडे मोठे वळण
    Next Article प्रतिबिंब मराठी नाट्य उत्सव — नाटकं बघण्यासाठी, शिकण्यासाठी आणि जगण्यासाठी आयोजिलेला नाट्योत्सव!

    Related Posts

    vaibhav mangle summer heat facebook post

    आधीच उकाडा आणि त्यात संतापाचा वणवा! — “कुठे आणि कशी मागावी दाद!”, वैभव मांगलेंचा सवाल

    May 16, 2023
    chandralekha joshi profile

    चंद्रलेखा जोशी : पी.एस.आय. जमदाडे मोठे वळण

    April 27, 2023
    Natyadarbar

    नाट्यदरबार — दर्जेदार नाट्यानुभवांची रंगतदार मैफल!

    April 26, 2023

    Leave A Reply Cancel Reply

    This site uses Akismet to reduce spam. Learn how your comment data is processed.

    — जाहिरात —
    Kalnirnay 50 Years
    Social
    • YouTube
    • Facebook
    • Instagram
    • Twitter
    • WhatsApp
    • Telegram
    रंगभूमी.com
    Facebook Twitter Instagram YouTube WhatsApp Telegram RSS
    © 2023 रंगभूमी.com. Powered by iXyr Media.

    Type above and press Enter to search. Press Esc to cancel.