Sunday, October 25, 2020

रंगभूमीच्या टीमकडून नाट्यवेड्या नाट्यसमीक्षकाचे हार्दिक स्वागत — Welcome to रंगभूमी टीम, अभिषेक!

नक्की वाचा

कलांश थिएटर, रत्नागिरी प्रस्तुत “बिराड” एकांकिकेचे Online सादरीकरण

सणासुदीला एखादं दर्जेदार नाटक बघण्याची प्रथा अस्सल नाट्यवेड्या प्रेक्षकांमध्ये अजूनही प्रचलित आहे. याच प्रथेचा मान ठेवत घटस्थापनेच्या शुभमुहूर्तावर कलांश थिएटर, रत्नागिरी ही...

थिएटर प्रीमियर लीग ऑनलाईन नाट्यमहोत्सव: अधिक भव्य स्वरूपात ‘सीझन २’ लवकरच तुमच्या भेटीला!

सर्वप्रथम तमाम मायबाप रसिक प्रेक्षकांचे खूप आभार! तुम्ही थिएटर प्रीमियर लीग च्या सीझन १ ला भरभरून प्रेम दिलंत. म्हणूनच, यावेळी आम्ही अधिक...

माझ्या आठवणीतील नाटक — इथं कुणी कुणाला सावरायचं

आमच्या लहानपणी मी ऐकलेली गोष्ट, घाऱ्या डोळ्यांच्या व्यक्तींशी मैत्री करु नये, का...? तर त्यांना भूत ह्या प्रकारातले (पिशाच्च) आत्मा वगैरे दिसतात म्हणे...

राहुल हणमंत शिंदे याचा ‘अज्ञात’ हा कथासंग्रह Online विक्रीसाठी उपलब्ध!

रंगभूमी.com चा प्रवास सुरू झाला तेव्हा नवनवीन कलाकार मंडळी आमच्याशी जोडली गेली. या कलाकार मंडळींमध्ये काही अभिनेते/अभिनेत्री होते तर काही लेखक/लेखिकाही होत्या....

रंगभूमी म्हटलं की नाटक हे त्याचं हृदय आणि नाटकांची समीक्षणे ही त्याची स्पंदने असं म्हटलं तर चुकीचं ठरणार नाही. होय! बरोब्बर ओळखलंत. आम्ही तुमच्यासाठी नाटकाची समीक्षणे घेऊन हजर झालो आहोत.

नाटक बघून त्या नाटकाचा भाव समजून स्वत:ला उमगेलला अर्थ, जाणवलेल्या त्रुटी तरुण पिढीच्या माध्यमातून नाट्यसृष्टीपर्यंत पोहोचवायचा आमचा मानस होता आणि आज आम्ही असाच एक युवा लेखक तुमच्या समोर सादर करत आहोत! या लेखकाचं नाव आहे अभिषेक अरविंद महाडिक. अभिषेक, तुझं रंगभूमीच्या टीममध्ये मन:पूर्वक स्वागत!

अभिषेकने श्री. भगुभाई मफतलाल पॉलीटेकनिक मध्ये Civil Engineering चा डिप्लोमा केल्यानंतर St. John College of Engineering and Technology मधून Graduation केले. साधारण अडीच वर्षांच्या Work Experience मिळवल्यानंतर सध्या तो VJTI मधून मास्टर्सचा अभ्यास करत आहे.

पण मग इतका दमदार शैक्षणिक व व्यावसायिक पोर्टफोलिओ आणि नाट्यक्षेत्र हे समीकरण कसं जुळलं?

ते असं कि २०१५ मध्ये श्री. सुहास कामत यांच्या कार्यशाळांमधून अभिषेकने रंगभूमीच्या विविध उपक्रमांमध्ये भाग घेण्यास सुरुवात केली. याच प्रवासात पुढे त्याची गाठ पडली ती थेट मराठी रंगभूमीशी! हळूहळू नाट्यजगताशी समरस होत त्याने मराठी नाटकं आणि इतर साहित्याबद्दल लिहायला सुरुवात केली. अशा या नाट्यवेड्याला त्याच्या नाट्यवेडाबद्दल विचारताच तो सांगतो…

मी कधीच व्यावसायिक/प्रायोगिक नाटकात काम केलं नाही,
कधीच कोणतही नाटक आजवर लिहून पूर्ण केलं नाही,
कधीच कोणत्या लेखकाला नाटक लिहीताना प्रत्यक्ष पाहिलं नाही,
कधीच नाटकाचं नेपथ्य रंगवलं नाही,
कधीच प्रकाशयोजनेची सूत्र हाताळली नाहीत,
कधीच पार्श्वसंगीत रेकॉर्ड होताना पाहिलं नाही,
कधीच पार्श्वसंगीत वापरताना जवळ बसलो नाही,
कधीच रंगभूषाकार नटाची रंगभूषा करताना पाहिलं नाही,
कधीच वेशभूषाकार म्हणून नाटकासाठी खरेदी केली नाही,
कधीच पहिल्या अंकाआधी येऊन पडद्याला नमस्कार केला नाही,
कधीच रंगमंचावर नारळ फोडताना पाहिला नाही,
कधीच नेपथ्य लावताना पाहिले नाही,
कधीच दिग्दर्शकाला नाटक घडवताना पाहिले नाही,
कधीच ब्लॅकआऊटमध्ये अंधारात मंचावरून विंगेत आलो नाही,
कधीच त्या अंधारात नेपथ्यबदल केला नाही,
कधीच प्रयोग संपल्यावर कपडेपटात राहून कपडे लावले नाहीत,
कधीच दोन अंकामध्ये बॅकस्टेजला बसून चहा प्यायलो नाही,
कधीच तिकीट बारीवर बसून रांगच्या रांग पाहत तिकीटे फाडली नाहीत,
कधीच नाटक सुरू होण्यापूर्वी पडद्याआडून प्रेक्षक पाहिले नाहीत,
कधीच प्रयोग झाल्यावर नुसतं उभं राहून प्रतिक्रिया ऐकल्या नाहीत,
कधीच लोकांच्या घोळक्यात सेल्फी दिले नाहीत,
कधीच तिकिटामागे आपुलकीची स्वाक्षरी दिली नाही,
कधीच तिकिट फाडायला गेटवर उभा राहिलो नाही,
होय मात्र मी
‘साखर खालेल्ला माणूस’ पाहताना तुफान हसलोय,
‘युगान्त’च्या शेवटच्या प्रयोगाला भावनिक होऊन रडलोय,
‘हॅम्लेट’ पाहताना भारावून गेलोय,
‘तीन पायांची शर्यत’ला उत्साहाने जागीच थिजलोय,
‘अ परफेक्ट मर्डर’ पाहताना क्षणोक्षणी गुंतलोय,
‘झुंड’ पाहताना उफाळून आलोय,
‘हरवलेल्या पत्त्यांचा बंगला’ पाहताना आई आठवली आहे,
‘कोडमंत्र’ पाहताना अभिमान वाटलाय,
‘वाडा चिरेबंदी’ पाहताना नाटकात कुटुंब शोधलय,
लाल्याच्या वाक्याला ‘अश्रूंची झाली फुले’मध्ये टाळ्या वाजवल्या आहेत,
‘अनन्या’ला बघून स्वतःमध्ये धीर एकवटलाय,
‘सोयरे सकळ’ बघून धन्य झालोय,
‘देवबाभळी’ने काळजात हात घातलाय,
कधीकधी
हळूच बॅकस्टेजला जाताना नेपथ्याला स्पर्श केलाय,
नाटक संपल्यावर घाईने बॅकस्टेजला येऊन कलाकारांना भेटलोय,
त्यांच्याशी हसत खेळत तर कधी भारावून भावनिक होऊन बोललोय,
लाजत बुजत त्यांची सही घेतली आहे,
उत्साहाने पुढे येऊन एक सेल्फी काढला आहे,
नाटकाबद्दल एखादा मित्रमैत्रीण भेटल्यावर मनमोकळेपणे बोललोय….
किती सांगू ? काय काय सांगू ?
नाटक न करताच अनेक वर्ष नाटक जगत आलोय.
कालही, आजही आणि ह्यापुढेही नाटकच जगणार आहे.
— अभिषेक महाडिक

तर अशा या नाट्यप्रेमी युवा लेखकाने लिहिलेली वेगवेगळ्या जुन्या-नव्या नाटकांची समीक्षणे तुम्हाला लवकरच वाचायला मिळणार आहेत. आम्ही आशा व्यक्त करतो की तुम्ही आमच्या या नव्या सदराला आणि नव्या सदस्याला भरभरून प्रेम देत राहाल.

तुम्हालाही जर रंगभूमी.com वर रंगभूमीशी निगडित असे काही लेख आमच्याद्वारे प्रसिद्ध करायचे असतील तर कृपया आमच्याशी hello@rangabhoomi.com या ई-मेल ID वर संपर्क साधा.

- Advertisement -

More articles

1 COMMENT

Leave a Comment

This site uses Akismet to reduce spam. Learn how your comment data is processed.

- जाहिरात -

Latest Articles

कलांश थिएटर, रत्नागिरी प्रस्तुत “बिराड” एकांकिकेचे Online सादरीकरण

सणासुदीला एखादं दर्जेदार नाटक बघण्याची प्रथा अस्सल नाट्यवेड्या प्रेक्षकांमध्ये अजूनही प्रचलित आहे. याच प्रथेचा मान ठेवत घटस्थापनेच्या शुभमुहूर्तावर कलांश थिएटर, रत्नागिरी ही...

थिएटर प्रीमियर लीग ऑनलाईन नाट्यमहोत्सव: अधिक भव्य स्वरूपात ‘सीझन २’ लवकरच तुमच्या भेटीला!

सर्वप्रथम तमाम मायबाप रसिक प्रेक्षकांचे खूप आभार! तुम्ही थिएटर प्रीमियर लीग च्या सीझन १ ला भरभरून प्रेम दिलंत. म्हणूनच, यावेळी आम्ही अधिक...

TPL 2020 Online नाट्यमहोत्सव – तब्बल ४०० लोकांनी घर बसल्या बघितली खुमासदार नाटकं!

कोरोना आणि लॉकडाउनच्या पार्श्वभूमीवर गेले बरेच महिने तमाम रसिक प्रेक्षक रंगभूमीच्या दर्शनास मुकले आहेत हे आपण सर्वजण जाणूनच आहोत. त्यांना रंगभूमीकडे नेणे...

थिएटर प्रीमियर लीग २०२० – २४ सप्टेंबर पासून सुरू होणार Online नाट्यमहोत्सव (Theatre Premier League 2020)

लॉकडाऊनच्या कठीण काळात रसिक प्रेक्षकांना नाट्यगृहात जाऊन नवनवीन नाटकांचा आस्वाद घेता आलेला नाही. कोरोनाचे संकट संपून नाटकाचा रुपेरी पडदा लवकरच उघडावा अशी...

रातराणी नाटकाचे बहारदार Online अभिवाचन

ज्येष्ठ नाटककार प्र. ल. मयेकर म्हणजेच प्रभाकर लक्ष्मण मयेकर यांच्या समर्थ लेखणीतून जन्माला आलेल्या "रातराणी" या अप्रतिम नाटकाचे अभिवाचन करायला काही प्रख्यात...

Nope! You cannot copy the content on this page, sorry.

%d bloggers like this: